ارايت سوسه والاصيل يلفها --في حلة نسجت من الاضواء

يا ربي ستين مرحبه ومرحبه زايده تفضل سجل امعانا وكنك ما تبيش ما فيش
مشكلة اضغط علي اخفاء وادهور فالمنتدى بغايتك مااديرش غيبة .
هي السلام عليكم

منتدى مدينة سوسه

افتتاح منتدى جديد خاص بقبيلة الحاسة وهذا هو الرابط http://alhassa-family.own0.com/forum.htm

    عندي حكاية يا بحر كاميها

    شاطر
    avatar
    بوعبدربه
    مدير قسم اخبار سوسه
    مدير قسم اخبار سوسه

    عدد الرسائل : 202
    العمر : 42
    السٌّمعَة : 0
    مستوى العضو : 82339
    تاريخ التسجيل : 15/03/2009

    عندي حكاية يا بحر كاميها

    مُساهمة من طرف بوعبدربه في الثلاثاء مارس 31, 2009 12:30 pm

    القصيدة للشاعر بوبكر رابح

    اتقول

    عندي حكاية يا بحر كاميها .. أمفيت انت ما عندي لمن نحكيها

    حكاية غالي .. عدّا وخلالي سمور ليالي

    هو غاب وانا زاد غاب دلالي .. وخلا العين ديما منفلت ماقيها

    يمين حالفه ما عاد تالف والي .. رضيت الياس وياسها راضيها

    لا لها عدو ولا عاد تريد غوالي .. رصيد م الكواين عزها يكفيها

    ولا تريد Very Happy ولا تريد تسالي .. تعشق الحان الياس وتسليها

    يجتمعو مع نسمة الليل التالي .. عطاشنه اتجيه وكاسها يسقيها

    ولمباكر تنوض مهوطه وتخالي .. مفعوله قوي بالحيل ومقسيها

    ونا يا بحر تميت كاره حالي .. لا عرفت ننهاها ولا نرخيها



    حكاية ياسي .. الطايل اللي منه اكبر وسواسي

    على اثر موح مستاصل ابقي مجلاسي .. صعب مع اللي قعدته شاهيها

    والوق ت جرني جرة زعيم سياسي .. دخلني دروب ضلال ما نبيها

    واعدمني الثقة في قرايب ناسي .. كامي عليها ما لحد نشكيها

    علي صغر سني ذقت مرّة كاسي .. مفطوم ع الكواين فرحتي ناسيها

    و لا ارضيت لا نرضى نواطي راسي.. الدنيا سواء عندي الله ناشيها

    ولا نقترب م اللي كبار كراسي .. عصران نفس خالقها الله يغنيها

    وحتى ان كان هو بيد حديده فاسي .. جبال دنيتي لازم انخش عليها

    يا نموت فيها يا يصير خلاصي .. ونلقى اصحاب عقول ونغاليها

    وما خانّي صادق معاي احساسي .. متوقع بشاير خير مستوحيها

    ايجي يوم ونثور ضد افلاسي .. ونركن قوانينه ونستثنيها

    وتسمع بعد سكتة اصوات اجراسي .. تعلن لحظة فرح متمنيها

    وانت يا بحر للصوب فيك مراسي .. لازم ابواخر العاشقين اتجيها

    وانت سبب عله وفيك مآسي .. يصيرن امغير الموج يمحا فيها

    ونا علي شطك نفضت اكياسي .. حكيت لك بقصة للنجوم ارويها

    انـــــزاحــــــت داره ....اليوم يا بحر عني عزيـز تـوارا

    عـدّا وخـلا فالكنيـن اشــاره... مرسومة ومسع صار ما يمحيهـا

    ولنظار تمـن حايسـات سمـاره ...والنفس شارها قعده مع غاليهـا

    تناوض على غفلات لوعة نـاره ...انصبي ابحيل جهـدي ونواطيهـا

    اووين ما درست القيتـا منهـاره...افكاري قديمـة بذكـره ارابيهـا

    وقعة خواجه فـي عـرب قمّـاره...علايـل وهـم ويـاس متكفيهـا

    وقعت بينهم وانسيت كـل اخبـاره...الغالي وتمن هن اسبـاب التيهـا

    وانت علي شطـك هنـاك منـاره...ترشد التايه مـن بعيـد ايجيهـا

    واسرارك اكبار اتكيـد فالبحـارة...اوعندك اكنوز امغيـر ماتعطيهـا

    اوبدموع حزن منك باكيات عذارة...واخذ حبايب غصـب وامواريهـا


    حكالـك الخاطـر يابحرباسـرارها...وطلع صحايف في خفـا طاويهـا

    حـكــايــة غـــربـــة....حكاية الطير الي امفـارق سربـه

    حكاية اومكتوبة ابـراس الحربـة...حكاية جرت بالدم عايـش فيهـا

    حكاية كدر ماريـت فيهـا طربـة...فالقاع يابحر لومي عليك اخفيهـا


      الوقت/التاريخ الآن هو الثلاثاء نوفمبر 21, 2017 1:18 pm