ارايت سوسه والاصيل يلفها --في حلة نسجت من الاضواء

يا ربي ستين مرحبه ومرحبه زايده تفضل سجل امعانا وكنك ما تبيش ما فيش
مشكلة اضغط علي اخفاء وادهور فالمنتدى بغايتك مااديرش غيبة .
هي السلام عليكم

منتدى مدينة سوسه

افتتاح منتدى جديد خاص بقبيلة الحاسة وهذا هو الرابط http://alhassa-family.own0.com/forum.htm

    حادث مرور خش واضحك بسرعة

    شاطر
    avatar
    بوعبدربه
    مدير قسم اخبار سوسه
    مدير قسم اخبار سوسه

    عدد الرسائل : 202
    العمر : 42
    السٌّمعَة : 0
    مستوى العضو : 82339
    تاريخ التسجيل : 15/03/2009

    حادث مرور خش واضحك بسرعة

    مُساهمة من طرف بوعبدربه في الثلاثاء مارس 31, 2009 1:30 pm

    السلام علايكم
    بعد الحادث بلحظات وصلت سيارة شرطة المرور ...

    شرطي المرور:
    شن دارلك هالبالو لطيته ... قدامك قطع ولا بروحك جيته
    البارح اكيد شبحته شامخ مثيل الصقر ماد اجنحته
    مصبي مع خوته قباله تحته ... القطران زاهي ضاويه حاشيته


    الحاج :
    ماهـو مني ... ماشي بكرهبتي ونا متهني
    فاتح المجعاوي حداي ايغني ... ماسك ايميني واليسار عطيته
    ما نندري عللي وراي طعني ... رماني على هالبالو قليته
    لا اسكرت لاني جايه متعني ... تحرم عليا حجتي ما ريته


    شرطي المرور:
    ياشاب جاي تعالى ... عطيني اوراقك كل شئ قباله
    شن جيبك للحاج تخبطهاله ... لين انعزق عالبالو خليته
    انت اللي غلطان حسب اقواله ... بخرخاشتك من لاورا قبيته


    الشاب :
    كُف ملامي ... ماني اللي غلطان غير اقسامي
    سي الحاج شد افرينوا قدامي ... ونا دوبني بالطارقه حفيته
    تلكمس تلفتلي مشى متعامي ... طلع م الطريق وصار هاللي ريته



    معاني الكلمات:
    البالو: عمود النور.
    لطيته: اصطدمت به.
    شبحته: نظرت إليه.
    مصبي: واقف.
    قباله: بشكل واضح.
    كرهبتي: سيارتي.
    قليته: رفعته معي.. أو اصطمدت به.
    متعني: بسبق الإصرار والترصد.
    جاي: هنا.
    انعزق: ارتمى.. أو اصطدم بـ .
    خرخاشتك: سيارتك القديمة.
    لاورا: من الخلف.
    قبيته: اصطدمت به.
    كف ملامي: لا تلمني.
    اقسامي: حظي.
    شد افرينوا: استخدم الفرامل فجأة بقوة.
    دوبني: مجرد أنني.
    حفيته: اصطدمت به.
    تلكمس: تلخبط.
    avatar
    موج
    النجم الذهبي
    النجم الذهبي

    عدد الرسائل : 213
    العمر : 40
    السٌّمعَة : 0
    مستوى العضو : 81286
    تاريخ التسجيل : 27/03/2009

    رد: حادث مرور خش واضحك بسرعة

    مُساهمة من طرف موج في الثلاثاء مارس 31, 2009 7:03 pm

    جميل جدا وكما عرفناك ونتمنى ان تزدنا من نهلك
    avatar
    الزعيم
    رئيس الموقع
    رئيس الموقع

    عدد الرسائل : 318
    العمر : 44
    السٌّمعَة : 7
    مستوى العضو : 82208
    تاريخ التسجيل : 27/02/2009

    رد: حادث مرور خش واضحك بسرعة

    مُساهمة من طرف الزعيم في الثلاثاء مارس 31, 2009 8:24 pm

    منور يا غالي
    وترجمة صقعععععععععع


    _________________

      الوقت/التاريخ الآن هو الثلاثاء نوفمبر 21, 2017 1:17 pm