ارايت سوسه والاصيل يلفها --في حلة نسجت من الاضواء

يا ربي ستين مرحبه ومرحبه زايده تفضل سجل امعانا وكنك ما تبيش ما فيش
مشكلة اضغط علي اخفاء وادهور فالمنتدى بغايتك مااديرش غيبة .
هي السلام عليكم

منتدى مدينة سوسه

افتتاح منتدى جديد خاص بقبيلة الحاسة وهذا هو الرابط http://alhassa-family.own0.com/forum.htm

    عبد الكافي + عوض حامد الفاخري

    شاطر
    avatar
    بوعبدربه
    مدير قسم اخبار سوسه
    مدير قسم اخبار سوسه

    عدد الرسائل : 202
    العمر : 42
    السٌّمعَة : 0
    مستوى العضو : 82839
    تاريخ التسجيل : 15/03/2009

    عبد الكافي + عوض حامد الفاخري

    مُساهمة من طرف بوعبدربه في السبت أبريل 11, 2009 12:23 pm

    تاريخ القعدة عام 1993 منطقة بومريم


    الشعراء/ الغنَّاي : عبد الكافي البرعصي ـ الشتَّاي : عوض حامد الفاخري





    - توازيت نــــا وقديم *لا له ولا علي بالي عـدد.

    عبـد الكافي


    بطرح وطيب أنا واقـــدم *توازينا لا لي لا لهـــم.

    عـــوض


    ياما ع المرهون انعــدُّوا *غير عليش انريـد انبدُّوا.

    عبـد الكافي


    نا والمرهون توازينــــا *سامحت وسامح في دَيْنَـه.

    عـــوض


    عندي ع المرهون غبيبــه *سامحت ولكن ندويبـــه.

    عبـد الكافي


    ديما في المرهون انسامـح *حتى وانا ماني قامـــح.

    عـــوض


    إن كان سامحتك يا مرهون *اذكَّر راه عليك ديـــون.

    عبـد الكافي


    ديني ع المرهون امسيِّـب *ما عاد ينفع فيت الطيِّـب.

    عـــوض


    حتى لو سامحت انطالــب *ديني ع المرهون الهالـب.

    عبـد الكافي


    سامحناه بطيبة خاطـــر *مانا مصايين قواطـــر.

    عـــوض


    دين غني صوبه لاذعنــي *سيَّبته لكن واجعنــــي.

    عبـد الكافي


    للمرهون ديوني تـــارك *ما عاد قاصر ريد نشـارك.

    عـــوض


    غني راه سراحه مطلــوق *امغير نريد نحطّ حقــوق.

    عبـد الكافي


    لا نريدوا حق ولا باطــل *من قاصر يا عين يماطـل.

    عـــوض


    ديوني تاركــــــن لله *اللّي عند المرهون امعـاه.

    عبـد الكافي


    بعد سيَّبته دين عليــــه *غني عند ايش اتطارد فيه.

    عـــوض


    مرهون واكلني باطــــل *لاتوّ وهو فيّ يماطـــل.

    عبـد الكافي


    في ترجيع اديونك غالــب *تتركّن وتردّ تطالــــب.

    عـــوض


    نموت ونا عندي ذنـــون *عقاب ديون ع المرهـون.

    عبـد الكافي


    مرهون امسامح بالمــرَّة *ما ينفع تقصيص الجـرَّة.

    عـــوض


    دينك يا مرهون اتعـــدِّي *ماني شي ناسي من جدِّي.

    عبـد الكافي


    امسامح فيه على ايد شهود *غني دينه ما فيـه أردود.

    عـــوض


    نسيان المرهون سفاهــه *كيف اللِّي نحنا قلناهـــا.

    عبـد الكافي


    ع المرهون حسابي قافــل *سامحت ونا ماني غافــل.

    عـــوض


    يحسبها مرهون عفانـــه *كي ننسوه وهو يالانـــا.

    عبـد الكافي


    راكن مرهون وراكنِّـــي *جت منه قبل تجي منِّــي.

    عـــوض


    م المرهون إن طار غرضنا *ياما من فاضي يقرضنــا.

    عبـد الكافي


    تتبيع المرهون نقيــــده *شور الغير ادَّاعى بيــده.

    عـــوض


    ما طروه مرهون نقيـــده *فيت اليوم تكون جديــده.

    عبـد الكافي


    تتبيع المرهون كبيــــره *غير اللِّي له راي يديـــره.

    عـــوض


    لولا مرهون وماضيَّــــه*ما فاضي درناله غيَّـــه.

    عبـد الكافي


    كان غلا مرهون وثايـــن *عيبه شوَّاه ابقي هايــن.

    عـــوض


    عليش يعلِّمنا مرهــــون *الصوب وفي الأخير يهون.

    عبـد الكافي


    صوب غني غلطه من ساعه *كيف لقيط عقاب القاعـه.

    عـــوض


    امكنِّس قاعتنا مرهـــون *احسبهـا كيف تكون تكون.



    عبد الكافى

      الوقت/التاريخ الآن هو الإثنين ديسمبر 11, 2017 9:06 am