ارايت سوسه والاصيل يلفها --في حلة نسجت من الاضواء

يا ربي ستين مرحبه ومرحبه زايده تفضل سجل امعانا وكنك ما تبيش ما فيش
مشكلة اضغط علي اخفاء وادهور فالمنتدى بغايتك مااديرش غيبة .
هي السلام عليكم

منتدى مدينة سوسه

افتتاح منتدى جديد خاص بقبيلة الحاسة وهذا هو الرابط http://alhassa-family.own0.com/forum.htm

    //مامن اللي خطيني**للشاعر مهدي بشير//,

    شاطر
    avatar
    لونيا
    زهرة من حدائق سوسه
    زهرة من حدائق سوسه

    عدد الرسائل : 163
    العمر : 35
    السٌّمعَة : 0
    مستوى العضو : 80759
    تاريخ التسجيل : 23/03/2009

    //مامن اللي خطيني**للشاعر مهدي بشير//,

    مُساهمة من طرف لونيا في الأربعاء يناير 06, 2010 4:16 pm

    مامن اللي خطيني

    ومامن غلا قدام عيني

    مني مشى بعبرتي

    مامن اللي خطيني


    **************
    ما تلتامي ولا ني اللي نلتام جرحي دامي ** مفروع بين ياساتك وعكس ايامي
    علي فوتك مجبور غصبن عني ** ينساك واقعي نلقاك وسط احلامي
    طيف انحفر في الذاكره ساكني** ننهار وتعاود علي الامي
    ونصبر وفجئى صورتك تسحني ** مسيرة عذاب طويل حلم درامي
    قصة حياتي بعد ضعتي مني ** ومعى هذا عاطي للكريم حكامي
    صيور كل نار رماد قبلك ضني ** الا بعدك من قولت هذين قسامي
    السن النار بالساعه بلاك هفني
    ****************
    هدا عرفي ارجوك ذنب في وفيك لا تقترفي ** ثقيل ما عليه اقدرت صاعب ظرفي
    غلاك دون منه عفتي تركني ** ما نعاونك للعاطله تنجرفي
    بلا شي شماتت الملام الذغني ** يابال يلقطن نبقى بشينا مرفي
    السن السو كبارت الخطا يدرني ** نلقاني من الصوب هدا طرفي
    واللي من الامرار جرعتهن سدني
    ****************
    انقول انسيتك ** ونقول غصب من لط الاقسام جفيتك
    ونقول طعتلا ياسك خلاص كديتك ** ليام عرضن دونك وني ادفرني
    و من دنيتي فيزت خروج عطيتك ** والهي في الزمان مصايبا لهني
    وربحتلك وين ما بعيني ريتك ** شديتي رحيلك وين زويتي عني
    ذكرى قديما باهتا خليتك ** وامواجي على شط الجفا لطني
    ودار الزمان سنين ماعاد ريتك ** بلا طعما ضاع بلاش عمري مني
    صدفا اصادفنا و جيتي جيتك ** متعنيا وجيتي جيتي اتعني
    املاقى قصيل ونار وين القيتك ** ستين جن على الاول اخرى ملكني
    ******************
    ارزيت من جرر عينك ومن تهميتك ** وحرابك على قرن الحشا غدرني
    بلا وعي قدام العرب لاقيتك ** غلاك والغرر من هشمتي اسلبني
    جت ليمنا في ليمنا شاكيتك ** قدامك عباير جفوتك خلني
    وجا دمع عينك قيسني شفيتك ** ولقيني اشواقك كيف ماتمني
    ابصر كيف حسيت الغثر في نيتك *** قريت مكر في عيونك اللي خزرني
    ماك لوله متغيرا حسيتك ** تنامن معاي ضنون وقت اسحني
    وفعلن صدق ضني نشدة القيتك ** ياريت ما نشدة ولا جواب عطني
    ما نديرها ونخون مولا بيتك ** حتى منيني طايش صغير سني
    هاك نص غناوه تحل قضيتك ** ما في الغني صابات غير اتوني
    ******************
    خطا مساعه ودار راي من عقلي وزاد مياعا لوكان هذا من الاول الهمي ناعا ويش زرني راقد هني متهني
    الهن زمان لي مسلمات الطاعا ** حاكمهن انضاري في الغلا طاعني
    نقض جرحهن غونن شكن بوجاعا ** وخدت غر بعيونك بعد لقني
    مالي جهد لا حيل لاي شجاعا ** لاهن اللي رافن ولا قالني
    مستوه غبت عن واقع وما نستاعا ** بشي لين قدامك غطا ساقني
    نهايت عذاب لخاطري ووجاعا ** نحسابا كان القيك بعد اتمني
    بعد امرارها عاقد بدي جراعا ** شوق حلق لا حدر ولا هوني
    تدريني على فضلت اسبول القاعا ** وني باذرا بيدي وكنت انوني
    عليه حاجرا خايف تجيك انزاعا ** تصهد نواويره زهاه اتفني
    بعدها كتب مولااي يوم ضيوعا ** وخرى كتب نحضر محيزك عني
    سلمت واستسلمت جبر وطاعا ** وين ما جبر كسري اخرى اكسرني
    لقسام في خيوط رجاك جني اقطاعا ** علي فقدتك مر الامرار سقني
    والله لاهي قلت مال لا فزاعا ** مغير حض لاطش غر بي تشوني
    واليوم نكتفي عنا خديت مناعا ** واللي له غلا خله عليه ايغني
    مامن اللي خطيني وما من غلا قدام عيني مني مشى بعبرتي مامن اللي خطيني
    ***************
    بقو ضمنتا شوقك وفي محجر عيوني صنتا
    وكيف ما ادمنتيني غلاك ادمنتا ** ادمان دامني ندمانهم دامني
    جنين كبد نطفطف عليه حظنتا ** حظانت حضينا حاضنا حاضني
    عطيتك زها لنضار فيك امنتا ** شوق ما عليك بشوق لك شقني
    وقدام عقالي غلاك علنتا ** ضلالي وضعفي هن اللي جبرني
    نلاطي بحرة عين ماهادنتا ** ياسك واقف كيف ما تمني
    واعلنت النفير وخبت واستهونتا ** واقعي وعاداتي اللي حكمني
    قيدني غلاك بقيد وستوطنتا ** في داخلي صرحت انك اني
    تمردت واستبليت وستشينتا ** زماني بلاك وما بديل عطني
    وكان الفراق اقسام ما واطنتا ** كفرت بالغلا بعدك وما يسكني
    البارح غلانا في خفا كفنتا ** وجت عبرتي ومدامعي عزني
    غلاك جرح مشاضي وفي اسكنتا ** وكاني الليله متت هو قاتلني
    بعد انه غلاك ابيض غلا دونتا ** على الله نيتي ان شالله تهني
    مامن اللي خطيني وما من غلا قدام عيني مني مشى بعبرتي مامن اللي خطيني
    avatar
    BENSAUOD
    عضو مميز جدا
    عضو مميز جدا

    عدد الرسائل : 214
    العمر : 41
    السٌّمعَة : 1
    مستوى العضو : 80871
    تاريخ التسجيل : 28/03/2009

    رد: //مامن اللي خطيني**للشاعر مهدي بشير//,

    مُساهمة من طرف BENSAUOD في الأربعاء يناير 06, 2010 10:27 pm

    thank you so much lonia
    avatar
    لونيا
    زهرة من حدائق سوسه
    زهرة من حدائق سوسه

    عدد الرسائل : 163
    العمر : 35
    السٌّمعَة : 0
    مستوى العضو : 80759
    تاريخ التسجيل : 23/03/2009

    رد: //مامن اللي خطيني**للشاعر مهدي بشير//,

    مُساهمة من طرف لونيا في الأحد يناير 10, 2010 5:06 pm

    BENSAUOD كتب:
    thank you so much lonia

    قيدني غلاك بقيد وستوطنتا ** في داخلي صرحت انك اني
    تمردت واستبليت وستشينتا ** زماني بلاك وما بديل عطني
    وكان الفراق اقسام ما واطنتا ** كفرت بالغلا بعدك وما يسكني
    البارح غلانا في خفا كفنتا ** وجت عبرتي ومدامعي عزني
    غلاك جرح مشاضي وفي اسكنتا ** وكاني الليله متت هو قاتلني
    بعد انه غلاك ابيض غلا دونتا ** على الله نيتي ان شالله تهني
    مامن اللي خطيني وما من غلا قدام عيني مني مشى بعبرتي مامن اللي خطيني

    سرني جدا وجودك هنا في متصفحي لك اعطر تحياتي



      الوقت/التاريخ الآن هو الثلاثاء نوفمبر 21, 2017 1:15 pm