ارايت سوسه والاصيل يلفها --في حلة نسجت من الاضواء

يا ربي ستين مرحبه ومرحبه زايده تفضل سجل امعانا وكنك ما تبيش ما فيش
مشكلة اضغط علي اخفاء وادهور فالمنتدى بغايتك مااديرش غيبة .
هي السلام عليكم

منتدى مدينة سوسه

افتتاح منتدى جديد خاص بقبيلة الحاسة وهذا هو الرابط http://alhassa-family.own0.com/forum.htm

    للشاعر د.سعد العمرونى

    شاطر
    avatar
    بوعبدربه
    مدير قسم اخبار سوسه
    مدير قسم اخبار سوسه

    عدد الرسائل : 202
    العمر : 42
    السٌّمعَة : 0
    مستوى العضو : 82839
    تاريخ التسجيل : 15/03/2009

    للشاعر د.سعد العمرونى

    مُساهمة من طرف بوعبدربه في الثلاثاء مارس 31, 2009 2:08 pm

    ( إذا دعتك قدرتك على ظلم الناس فتذكر قدرة الله عليك )


    أن كان قدرتك تظلم الناس دعاتك .. قدرة الله عليك لا تنساها
    عريانة النفس تجيه وان أماتك .. وتهون ع القريب وبالتراب سفاها
    جيرانك الدود .. وضيقه ضماتك .. وصقع الليالي والظلام كساها
    غربة وتربة موحشة في امباتك .. بعيد السفر هابه علي ممشاها
    مشروطة القربة وفاضيه مخلاتك .. ولا قوتك لا مال لا ضنواها
    امفيت الكفن تاخذ ستر عوراتك .. كبيرة صغيرة درتا تلقاها
    أسعى بخير قبل أيقصرن خطواتك .. في دار حكمها رايد الله ابفناها
    جميع ما بذرته في أيام حياتك .. أساع تحصده وتاكل اللي نماها
    ياللي هلوع جزوع في صفاتك .. منوع خير كي خيرا الله عطاها
    دواهن أيحيدن فيت ما ابصلاتك .. عمود دين والصيله مع مولاها
    وحلل المال وطهره بزكاتك .. تحصين حصن ما ينقص أيزيد وراها
    وحجك اللي مبرور به سياتك .. تروح أتقول رضيع لك يمحاها
    وعود النفس أصيام عن شهواتك .. أخلاصها أيبان وصبرها وتقواها
    والنفس بيعها لله في تجراتك .. ثمنها الجنة الله قال شراها
    خليهن خطاوي خير في ممشاتك .. لثنين نارهم صلحك اللي طفاها
    وعود لسانك صدق في كلماتك .. مطلوق وجه وأطلق يد ما تثناها
    وعينك أن سالت سقطت دمعاتك .. من خوف الحساب النار مو يالاها
    وأطراف النعيم ان كان وصلت جاتك .. أتجفل اخرها ان ما حمدت معاها
    واللي شهور تسعة ف بطنها شالاتك .. اوطى من قدمها جنتك في أرضاها
    ما من ليالي سامره هناتك .. خذت صقعهن حطت عليك اغطاها
    للناس أتواضع كان هي علاتك .. بمثقال ذرة كبر ماتوطاها
    نعيم جنتك هلي عليه لهاتك .. دنيا .. ع .. الغرر منصوب ساس ابناها
    رطابة اللفعى تحس في لمساتك .. وجوفها أملي بالسم نين ملاها
    جاهل وحق الله لو غراتك .. والله ميزك بالعقل قال خطاها
    ما من صحيح حذاك لك وراتك .. أصبح وما كمل احذاك مساها
    قبالة تغير ان كان هي عادتك .. وتاخذ جميع الماليا تكفاها
    وماي خاطيه بالضرب كان رماتك .. وتعزي الناس بقول راح أفداها
    وتوري فرجها وين ما شداتك .. ان ضاقن حلقها جايه برخاها
    تVery Happy نصيب ان كان هي بكاتك .. تعكر أتكدر وقت جاك صفاها
    وتطرطش وفي ظنك أنها لماتك .. وتواطي اللي فارح وقال رقاها
    أمغير شوف غيرك كان مارضاتك .. مصايب الغير أمهونات عناها
    ونفسك مع الدنيا اللي عجباتك .. خليك بين لا تبعد ولا تدناها
    ان تاوق رجاها بالطمع ذلاتك .. ان هاج الطمع حرصك عليه خذاها
    ان كان ملكاتك ياس ياحسراتك .. وان كان غضبت غيضك أيزيد امعاها
    ان نالك الخوف بحذرها اشغلاتك .. وان كان امناتك غفلتك تبداها
    أتزيد تنشغل بالفقر لو عضاتك .. وان كان اسعداتك حرزها تنساها
    ان جادت عليك أبمال حيه طغاتك .. وان جت بالمصيبه فاضحة ببكاها
    ان جاك جوعها تقعد علي حاجاتك .. وان كان شبعت بطنك أتحس أبداها
    تقصيرك امعاها أضرارها مساتك .. تكثيرها ايقسي مفسدة أبهواها
    أرضى وما تزعل علي اللي فاتك .. ولا تندهش تفرح مع اللي جاها
    ولو اجتمعت الناس بشي ما نفعاتك .. الا بمنفعة شورك الله زواها
    ولو ضروك ما منهم اللي ضراتك .. الا أمقدرة ربك عليم قضاها
    قبال توبتك عافي علي هفواتك .. فالح صحيح النفس من زكاها
    وسابل عليك الستر ماهو هاتك .. ما من كبيرة ذنب لك واراها
    تدعيه سر والا جاهرات أصواتك .. قريب عليها ما يرد ادعاها
    وقول يالله الله في مرضاتك .. عذابه أتخاف ورحمته ترجاها
    والصاحب اللي صاحب يكون امراتك .. يهديلك أعيوبك مو اللي خفاها
    كي أتغيب كي تمرض ووان وفاتك .. ثلاثة عليه حقوقهن يرعاها
    ونفسك تلاقي وين ما حطاتك .. ان كان في سفاهة راك فيك سفاها
    حجايج لنفسك كان ما صاداتك .. أيعوض الله عليك دير عزاها
    avatar
    الحاسي
    سوساوي جديد نشط
    سوساوي  جديد نشط

    عدد الرسائل : 6
    العمر : 34
    السٌّمعَة : 0
    مستوى العضو : 79577
    تاريخ التسجيل : 27/03/2009

    رد: للشاعر د.سعد العمرونى

    مُساهمة من طرف الحاسي في الخميس أبريل 02, 2009 1:45 pm

    شكرا على الموضوع الشيق

      الوقت/التاريخ الآن هو الإثنين ديسمبر 11, 2017 9:02 am