ارايت سوسه والاصيل يلفها --في حلة نسجت من الاضواء

يا ربي ستين مرحبه ومرحبه زايده تفضل سجل امعانا وكنك ما تبيش ما فيش
مشكلة اضغط علي اخفاء وادهور فالمنتدى بغايتك مااديرش غيبة .
هي السلام عليكم

منتدى مدينة سوسه

افتتاح منتدى جديد خاص بقبيلة الحاسة وهذا هو الرابط http://alhassa-family.own0.com/forum.htm

    سألتك بوجه الله لا تطريها

    شاطر
    avatar
    بوعبدربه
    مدير قسم اخبار سوسه
    مدير قسم اخبار سوسه

    عدد الرسائل : 202
    العمر : 42
    السٌّمعَة : 0
    مستوى العضو : 82914
    تاريخ التسجيل : 15/03/2009

    سألتك بوجه الله لا تطريها

    مُساهمة من طرف بوعبدربه في الأربعاء أبريل 01, 2009 12:36 pm

    سألتك بوجه الله لا تطريها ..

    العين بينها وبين البكا خليها

    ***

    سألتك برب العزة ..

    وان كان بينا ذرة وفاء ومعزة

    العين من سبيب زمانها ملتزة ..

    ومتومج الها مازال متكفيها

    من خوف يسبقه حزاز بيش ايحزه ..

    ويردع بلاه وحقها يعطيها

    لكن انزالت قادره عالفزه ..

    اتشيل حمل حاضرها على ماضيها

    ما يهمها فى شيل حمل اتهزه ..

    وشيل ثقل ماتحته اوقى يحميها !!

    حتى انكان واعر عالسنون القزه ..

    رحات غيضها ترحي اللي تبيها

    ***

    سألتك برب البيت لا تقربها ..

    خليك فى حالك وهى سيبّها

    العين عندها ساعة ابكا تسحبها ..

    خاطى ابكا لوعة غلا كاويها

    بعيد فالخلا تغرد على شاطبها ..

    اسنين عمرها عدن شقا ماليها

    حسايف عللي ضرها ونكبها ..

    من سوقت زعازيع الزمان عليها

    ***

    لا تلومها ..

    خلوت الدار سببها ..

    وغيبت اوجوه اسماح كانن فيها

    وشان وجها لط الزمان قلبها ..

    نين جاب سافيها على عاليها

    ما تقول شى كانت ايام عربها ..

    هالخاربه ودك امغير اتجيها !

    ***

    سألتك بوجه الله لا تطريها ..

    العين بينها وبين البكا خليها
    avatar
    الزعيم
    رئيس الموقع
    رئيس الموقع

    عدد الرسائل : 318
    العمر : 44
    السٌّمعَة : 7
    مستوى العضو : 82783
    تاريخ التسجيل : 27/02/2009

    رد: سألتك بوجه الله لا تطريها

    مُساهمة من طرف الزعيم في الأربعاء أبريل 01, 2009 1:02 pm



    _________________

      الوقت/التاريخ الآن هو الخميس ديسمبر 14, 2017 5:43 am